По одлуката на владата како и секогаш министерот за здравство, Венко Филипче не пропушти прилика да се пофали по социјалните мрежи за нова мерка за која им требаше дури половина мандат да се оствари.
Имено министерот на социјалните мрежи напиша – „На редовната 114-та седница на Влада на Република Македонија, ја прифативме Предлог-програмата за лекување на ретки болести во Македонија за 2019 година. Со програмата овозможуваме континуитет на активностите кои државата ги презема за набавка на медицинска терапија за лекување и третман за пациентите со ретки болести во нашата држава. Набавуваме лекови со кои се третираат повеќе од 20 ретки болести. За оваа програма, обезбедени се вкупно 380 милиони денари. Во 2018 година за првпат набавивме три нови лекови, од кои два се однесуваат за болести за кои досега не се набавуваше терапија (амилоидна мускулна невропатија и апластична анемија), додека третиот лек е нов лек кој се користи за лекување на пациенти со болеста Гоше, како нов вид на терапија. Оваа година започнуваме со набавка на лекот спинраза“.
По половина мандат се сетија да направат нешто за оваа категорија на пациенти, но колку ефикасно ќе го направат останува знак прашалник. Бидејќи досега за се што ветија дека ќе направат или пак започнаа ништо не беше успешно секогаш во позадина се криеја еден куп скандали и манипулации.