Лошиот сон многу влијае врз тоа каква храна избираме во текот на денот. Луѓето кои имаат слаб квалитет на спиењето, често избираат и имаат желба за што полоша и нездрава храна.

Недостатокот на сон влијае врз многу од нашите витални функции и со текот на времето може да предизвика нарушувања и заболувања. Со едно истражување спроведено на Северозападниот универзитет во Чикаго, се покажало дека кога ноќта лошо спиеме, следниот ден сме посклони кон чипсови, десерти и чоколади.

Кога спиењето е ускратени, одредени делови од мозокот не добиваат доволно информации, по што тој сигнализира дека нема доволно енергија. А, најбрз начин за тоа да се случи е брзата храна која дава инстантна енергија, токму она што му треба на телото.

Во текот на експериментот биле тестирани мажи и жени на возраст меѓу 18 и 40 години и биле поделени во две групи. Едните спиеле 7-8 часа ноќе, а другите помалку од 6 часа. Потоа групите биле заменети.

Се покажало дека оние кои помалку спиеле, од понудената маса со храна земале нездрави намирници, полни со калории и шеќери, додена оние од наспаната група правилно ги комбинирале оброците.