Позитивната страна на овој тренинг е што може да го искористите за градење на мускулна маса и да стопите слој или два масни наслаги. Со тоа што ќе се стремите да изработувате повеќе повторувања, пулсот ќе расте, температурата на телото се зголемува и ќе согорувате повеќе калории од што може да замислите.
Токму тоа е и целта на овој тренинг. Во овој 28 минутен тренинг се изработуваат колку што е можно повеќе повторувања во специфично ограничено време. Една од причините зошто овој тренинг е одличен за топење на масни наслаги е бидејќи со оваа програма за вежбање работи цело тело.
Што значи дека се вежбаат сите мускулни групи во пократок временски период одколку тренинзите со супер серии на пример. Ќе согорувате повеќе калории за време на тренингот и потоа. Во тренингот се вклучени големите мускулни групи и се започнува од долниот дел на телото па нагоре.
Начин на изведување на тренингот:
За секоја вежба изберете тежина со која вообичаено може да изведете 20-25 повторувања. Изработувајте ја секоја вежба по 5 минути. Кога ќе бидете подготвени, погледнете на часовник и почнете со тренингот.
Изработувајте ги вежбите до откажување, одморете неколку секунди додека почувствувате дека може да продолжите, паузата може да се движи од 5 до 20 секунди, па продолжувате со изработување на повторувањата.
Целта е да направите колку што е можно повеќе повторувања во тие 5 минути. Кога ќе поминат тие 5 минути, направете пауза од 2 минути па преминете на следна вежба. Повторувајте така се до крајот на тренингот.
На крајот, сте извежбале 28 мин тренинг со висок интензитет. Овој тренинг може да го изведувате 1-2 пати неделно наместо кардио тренинг. За неколку недели ќе забележите одлични резултати.
Вежба бр.1 Ножна преса
1 серија, максимум повторувања во 5 минути
Ножната преса е вежба која одлично ја одржува формата на мускулите и е вежба со низок ризик од повреди. Со оваа вежба фокусот е на квадрицепсот.
Вежба бр.2 Ножен прегиб
1 серија, максимум повторувања во 5 минути
Заради баланс, после квадрицепсот оваа вежба дава фокус на задната ложа на ногата.
Вежба бр.3 Тесно веслање за грб со сајли во седната положба
1 серија, максимум повторувања во 5 минути
Со оваа вежба се опфаќаат мускулите на грбот и бицепсот, всушност сите мускули кои се активираат при влечење во горниот дел на телото.
Вежба бр.4 Машина за гради
1 серија, максимум повторувања во 5 минути
Со оваа машина се опфаќаат градите, трапезот и трицепсот. Не ви препорачувам потисок со шипка на рамна клупа за овој вид на тренинг бидејќи може да се повредите.