Карактеристиките на хороскопските знаци се напишани во ѕвездите, а секој знак има некои свои специфики, без разлика дали се добри или лоши. Во продолжение прочитајте зошто е посебен секој хороскопски знак.

Овен – Во вистинско време на вистинското место

Неверојатно е колку често се наоѓате на место каде што навистина не планиравте да одите, а таму ве чека нова можност која може да го подобри вашиот живот. Без разлика дали станува збор за запознавање личност со која ќе започнете љубовна врска или за средба која ќе ви донесе напредок во кариерата, вие дефинитивно сте уметник затоа што случајно наоѓате можности што го прават вашиот живот повозбудлив и подобар.

Бик – Чувствувате невидливи граници

Точно знаете кога треба да престанете, што ќе ви помогне да избегнете напнатост или да ѝ го свртите грбот на личноста која не е добра за вас. Вие сте личност која не ја преминува лесно границата на прифатливото однесување. Исто така, ќе чувствувате кога некој вам ќе ви го стори тоа и кога ви „се закануваат“ да влезат во вашиот личен простор. Вие знаете кога да се откажете од разговорот што води до расправија. Тој инстинкт ве чува од луѓето кои можат да ви наштетат или да ви донесат непотребни проблеми.

Близнаци – Наоѓање вистински зборови

Вие сте господари на вербалното изразување и понекогаш знаете што да кажете и да ја изненадите другата личност. Честопати ве прашуваат како го знаевте тоа? Вие не знаете како да објасните, но во вашиот ум постојат речениците, објаснувањата и информациите што ви се потребни вам, но и на другите луѓе. Вашиот ум како да е поврзан со тајните, па можете да откриете што не им е дозволено на другите луѓе да прават. Верувајте му на тој дел од себе.

Рак – Интуиција што „знае“

Вие сте многу чувствителни на стимулите што доаѓаат од надворешниот свет и честопати чувствувате повеќе отколку што можете и знаете како да вербализирате. Ќе ги прочитате намерите на другите луѓе, ќе почувствувате тежина во стомакот кога сте во близина на негативна личност и претчувствувате што може да се случи. Вашата интуиција е подарок и сè што треба да направите е да ѝ верувате. Понекогаш чувствувате и страв, па не сте сигурни што е автентично и вистинито. Но, верувајте му на првиот впечаток, тој ретко ќе ве измами.

Лав – Чувство за време

Вие сте во можност да го почувствувате моментот што е важен, да се најдете на вистинското место во вистинско време. На пример, доцните некаде и многу сте вознемирени поради тоа, а потоа сфаќате дека доцнењето има смисла затоа што ако сте дошле порано, би доживеале некоја незгодна ситуација, а вака ја избегнавте. Имате знаење што инстинктивно ви овозможува да знаете кога да стигнете некаде, кога да разговарате со некого, кога да преземете акција.

Девица – Способност за визуелизација

Имате исклучителна способност да ги дознаете информациите пред да бидат објавени и да формулирате точна прогноза, односно да го предвидите текот на настаните. Однапред можете да визуелизирате како некој предмет ќе се вклопи во просторот, дали ќе се вклопи, дали може да се развие некој деловен проект во иднина. Со неверојатна прецизност, ќе ги дефинирате деталите врз основа на кои ќе ја градите целата приказна што сè уште не се случила и на крајот тоа најчесто е така.

Вага – Ги познавате другите подобро од самите себе

Имате голем талент за „читање“ на другите луѓе. Ќе ги разберете нивните мотиви и зошто тие се однесуваат на одреден начин. Честопати ќе го предвидите нивниот следен чекор, дури и пред тие да бидат свесни за тоа. Затоа, постојат исклучителни психолози родени во вашиот хороскопски знак кои им помагаат на луѓето. Но, постои слепа точка. Тоа е огледалото. Вие не се познавате доволно добро за да ги видите вашите сопствени достигнувања. Понекогаш е подобро помалку да ги гледате другите, а повеќе да се препознаете себеси.

Шкорпија – Што е под површината

Вашите детективски сензори ќе намирисаат опасност, но и добра можност. Имате способност да откриете тајна што е длабоко скриена и да го откриете она што другите го кријат дури и од себе. Некако чувствувате што се случува, односно што може да произлезе од сè и подлабокото значење на таа приказна ви е јасно. Знаете кога некој е заинтересиран за вас, но и кога некој сака да ги искористи вашите ресурси. Верувајте му тоа чувство.

Стрелец – Чувство на вистинската можност

Вашиот вроден оптимизам и непосредноста ви овозможуваат да го истражувате животот и да влезете во нови можности без страв. Она што е посебно за вас е тоа што точно знаете каде можете да ја пронајдете таа можност, односно со кого да се поврзете и каде да одите за да го добиете тоа што го сакате. Додека другите прават исцрпни анализи, прават графикони, ангажираат советници, вие знаете кога и каде да инвестирате енергија, без разлика дали станува збор за љубовта или за работата. Вашата стапка на успех е навистина завидна.

Јарец – Го препознавате времето за промена

Вие знаете кога е крај, кога треба да оставите нешто и да продолжите понатаму. Затоа често го оставате во вистинско време бизнисот кој започнал да пропаѓа, го продавате станот пред да почне да се гради нова зграда од спротивната страна што го попречува погледот, па знаете дури и кога е време да оставите зад себе врска која нема иднина. Тоа ви овозможува да растете – чувството кога нешто „убивате“ за да се роди нешто ново ви овозможува да го следите патот на успехот и да ги постигнете вашите приватни и деловни амбиции. Притоа, не е важно колку долго треба да чекате за тоа.

Водолија – Ги читате мислите на другите луѓе

Способноста да го добиете она што го сакате од другите луѓе е ваш вроден талент и го сметате за еден вид животна уметност. И, со право размислувате така, затоа што никој не може подобро од вас да ги прочита мислите на другите луѓе и да ги предвиди намерите на личноста со која сте во деловен или во приватен однос. Тоа е токму она што ви овозможува правилно да се поставите во одредена ситуација и да предвидите што може да се случи. Исто така, знаете како да го добиете тоа што ви треба од другите, без да повредите некого.

Риби – Пораките доаѓаат до вас преку соништата

Вашите исклучителни способности понекогаш ви овозможуваат да го видите и да го почувствувате тоа што ќе се случи без воопшто да се трудите да го направите тоа. Понекогаш, важните пораки ви доаѓаат преку соништата, пред спиење или веднаш по будењето. Едноставно ви доаѓаат информации и имате познавање на некоја тема или личност која во моментот ви е од огромно значење. Понекогаш информациите ви се појавуваат како слики, а понекогаш како некој однатре да ви кажува три важни зборови.