Денес ВМРО-ДПМНЕ упати соопштение до јавноста кое всушност претставува реакција на прес-конференцијата на министерот за здравство, Венко Филипче. Во соопштението се вели дека Венко Филипче ја споделува лудоста на Зоран Заев. Додека бројот на новозаболени се зголемува со огромна брзина, Филипче и Заев не убедуваат во спротивното, велат од ВМРО-ДПМНЕ. Следи соопштението во целост:

– Министерот за здравство, Венко Филипче ја споделува лудоста на Зоран Заев. Се случува тотално фијаско во справување со кризата произлезена од корона вирусот. Бројката на новозаболени со Ковид- 19 енормно се зголемува од ден на ден, а власта нема никаква стратегија.

Додека луѓе умираат секојдневно од Ковид-19, Филипче и Заев ни велат не умираат. Според нив вирусот слабее. Заразата се шири со енормна брзина, на ден има по троцифрена бројка на заразени, а Филипче и Заев ни велат ја победиле заразата. Ако Филипче и Заев велат дека сме ја победиле заразата и дека вирусот слабее, дека се е супер зошто тогаш го држат народот затворен три дена.

Дека требаше масовно тестирање, скриниг пред се на ризичните групи меѓу кои се и здравствените работници покажува и бројката на новозаразени здравствени лица. Од ден на ден има се повеќе заболени со што се десеткува здравствениот кадар, со кој и онака кубуриме поради лагите на Филипче и Заев. Хоророт со корона вирусот во Македонија продолжува, а во другите, меѓу кои и соседните земји скоро нема ни заболени. Лудоста на Филипче и Заев мора да запре.