Во изминативе 24 часа во Скопје се хоспитализирани 4 пациенти

Во изминатите 24 часа во ковид центрите во Скопје се хоспитализирани 4 нови пациенти поради компликации од корона вирусот. Вкупно 65 лица сомнителни и потврдени за Ковид 19 се лекуваат на инфективните одделенија во главниот град.

Во последното деноноќие, на Институтот за ТБЦ имало еден прием. Во ГОБ 8 Септември немало примени пациенти, а 4 биле примени на Клиниката за инфективни болести. Во изминатите 24 часа дома се пуштени 11 оздравени пациенти.

Во ковид центарот на Институтот за ТБЦ се лекуваат 8 пациенти. Во ГОБ 8 Септември има вкупно 22 болни, а на Клиниката за инфективни болести и фебрилни состојби лежат 35 пациенти.

Вкупно 65 пациенти потврдени и сомнителни за Ковид 19 се лекуваат на инфективните одделенија во болниците во главниот град. Голем дел од пациентите се на кислородна поддршка. Бројот на приеми во изминативе денови се намалува и утрово до 8 часот имало 80 слободни места.