Спиењето попладне е поврзано со намалување на крвниот притисок и намалување на ризикот од срцев удар и други кардиоваскуларни болести, покажуваат податоците презентирани на една конференција на Европското здружение на кардиолози што се одржа во Лондон. Во студија биле вклучени речиси 400 мажи и жени на средна возраст со хипертензија, состојба која значи зголемен крвен притисок.
Истражувањето покажало дека кај луѓето кои имаат навика попладне да дремнат, 24-часовниот амбулантски систолен крвен притисок бил во просек за пет отсто понизок во споредба со пациентите кои не спијат во попладневните часови. И иако таа разлика се чини на прв поглед мала, шефот на студијата д-р. Манолис Калистратос рекол дека дури и „намалување притисок од 2 mm Hg го намалува ризикот од развој на кардиоваскуларни болести за 10 проценти.”
Констатирано е дека попладневна дремка го намалува систолниот крвен притисок од 3 mm Hg за секој час на спиење, а за споредба, со мала доза на антихипертензивни лекови систолниот притисок се намалува за 5 до 7 mm Hg. Друг факт во корист на оние кои сакаат попладневен одмор, студијата покажала дека подолг сон е поврзан со поголемо намалување на крвниот притисок. Се покажало дека еден час спиење дава најдобри резултати.