Нема изјави од доктори и директори на ЈЗУ без да одобри министерот Филипче. Според информации на zdravstvo.mk, пред околу еден месец здравствените установи добиле известување од Министерството за здравство дека за било какви изјави и информации во јавноста, мора да имаат дозвола од МЗ. Во пишаниот документ пишувало дека така треба за да бидат координирани во информациите што излегуваат во јавност. Иако здравствените власти ниту негираат ниту потврдуваат дека тоа е така, директори на клиники и здравствени институции коментираат дека не смеат да излезат во јавност без дозвола.