Со градоначалникот на Град Скопје, постигнавме договор од денеска ЈП „Комунална хигиена“ да почне да го расчистува ѓубрето во Клиничкиот центар „Мајка Тереза“ во Скопје, односно дивата депонија кај Ургентен центар, а направивме и договор и во следниот месец тековно да се расчистува ѓубрето, сè додека не се избере на тендер фирма што ќе го врши чистењето, рече министерот за здравство Венко Филипче на денешната прес-конференција во Владата.
– Тоа е резултат на фактот дека се прекина тендерската постапка за чистење на клиничкиот центар. По долги години ингеренциите се враќаат, како што е ред, во Службата за заеднички работи. Тие се во постапка за спроведување тендер за компанија што ќе го спроведува чистењето, оти самите немаат капацитет. Но затоа склучивме договор со Град Скопје, додека не заврши постапката за избор на фирма – рече министерот за здравство, одговарајќи на новинарско прашање.
Но Филипче не прецизира зошто досега не е решен овој проблем и е оставено на овие високи температури пациентите да се трујат од реата на ѓубрето.