Откако јавноста се крена на нозе и не запираа критиките кон министерот за здравство Венко Филипче од кого се бара и оставка за спорниот тендер за реагенси вреден фантастични 35 милиони евра тој одлучи да ја прекине тендерската постапка.
-Поради пoстоење одредени неправилности во документацијата на што укажа првичната евалуација, одлучивме тендерската постапка за набавка на тестови и реагенси за биохемиски, имунолошки, хематолошки и гасни анализи да ја прекинеме, истакна министерот за здравство Венко Филипче Тој рече дека на тендерот се јавила само една фирма и овој период интензивно работеле на евалуација на понудата.
– Во следниот период ќе продолжиме со имплементација на планот за централизација, а со тоа и обезбедување на големи заштеди во овој дел од набавките, рече Филипче и ги повика и компаниите кои работат во оваа сфера да ги намалат цените на реагенсите, зашто, како што рече, имале разговори заради тоа што пазарните вредности се многу помали од тоа што сега во моментов се користи.