Досега во Врање со прва доза вакцинирани се 12 006 македонски граѓани, а 9 392 се вакцинирани со втора доза вакцини. Според информациите од Здравствениот дом во Врање, вкупниот број на вакцини кои се аплицирани во спортската сала во градот на српските, македонските и останатите државјани изнесува 76 899.
Во однос на српските државјани вкупно 27 986 се вакцинирале со прва доза, а 27 385 се вакцинирани и со втора доза вакцина. Ако се земат предвид сите овие бројки, во Врање најчесто е аплицирана кинеската вакцина Синофарм – вкупно 49 058 пати – прва доза 24 952, а втора 24 106. Потоа следува Фајзер, која беше дадена во вкупно 20 653 случаи – првата доза 11 449, а втората 9 204.
Рускиот Спутник В е даден во 6 256 дози – прва 3 149, а втора 3 107. Астра Зенека аплицирана е во 932 случаи – 455 + 477.
Во петокот вакцинирани се 54 македонски државјани со првата доза и 55 лица со втората доза на вакцините на Синофарм и Фајзер. Тоа е повеќе во однос на граѓаните на Србија, кои примиле по 36 од првата или втора доза на вакцината. Според планот на Здравствениот центар во Врање, во сабота кинеската вакцина (втора доза) треба да ја примат 63 граѓани, а со втората доза на Фајзер ќе се ревакцинираат 129 лица. Во недела се планирани 31 втора доза на Фајзер и 71 на кинеската вакцина Синофарм.