Овој козметички производ предизвикува рак, го уништува црниот дроб и бубрезите

Кремовите за избелување на кожата можат да бидат отровни како и средствата за отстранување на фарби и треба да се избегнуваат по секоја цена, предупредува британското здружение на локални влади (LGA), пренесува „Би-би-си“.
Кремовите делуваат како средствата за отстранување на фарби и го зголемуваат ризикот од рак”, изјавиле од здружението.
Многу производи за избелување на кожата се забранети во Велика Британија поради штетните состојки – но неодамнешните заплени на забранети производи укажуваат на тоа дека и понатаму се продаваат, наведуваат од LGA во своето соопштение за јавноста.
Повеќето од тие производи вклучуваат една забранета состојка, а тоа е хидрокинон – средство за избелување кое е биолошки еквивалент за отстранување на фарба. Хидрокинонот во основа го отстранува горниот дел од кожата, зголемувајќи го ризикот од појава на рак и потенцијално предизвикувајќи оштетување на црниот дроб и бубрезите.
Живата, уште една вообичаена забранета состојка, може да предизвика намалена отпорност на бактериски и габични инфекции, оштетување на црниот дроб, анксиозност, депресија или психоза, наведува Светската здравствена организација.
Кремовите за кожа кои содржат забранети состојки се многу опасни и можат сериозно да го нарушат вашето здравје, па дури и да ве убијат, така што треба да ги избегнувате по секоја цена”, изјавил советникот Симон Блекбрн во соопштението за медиумите.