Минатата година бевме сведоци на појава на Шуга кај војници во касарната во Велес за што Министерката тогаш се произнесе дека тоа било нормално, а истото се случи и во касарната во Илинден кога кујнскиот блок беше преплавен од фекалии, а за санација беа потребни повеќе од месец дена.
На сликите испратени од командата на бригадата стационирана во касарната во Петровец се гледа дека објектот плива во фекалии и измет.
Станува збор за командата на најголемата борбена единица на АРМ, односно на декларираната единица за членство во НАТО.
Од АРМ потврдуваат дека станува збор за состојба која се влече подолг период и проблем за кој во неколку наврати го имаат известено Министерството за одбрана кое до овој момент нема превземено ништо.