Кога сте напнати, под стрес или нервозни, обидете се да се опуштите по напорниот ден со чаша здрав и природен пијалок. Станува збор за чај од маточина!

Истражувањата покажуваат дека маточината може да ги намали стресот и анксиозноста. Растението содржи гама-аминобутерна киселина (ГАБА) која влијае на мозокот и промовира намалување на стресот. Чајот од маточина може да помогне и во намалувањето на негативното расположение, да ја подобри добрата енергија, па дури и да влијае позитивно на сексуалната желба.

Освен што брзо им помага на оние кои се нервозни, маточината има и антимикробни својства и го намалува ризикот од инфекција. Полн е со антиоксиданси кои се неопходни за детоксикација и заштита на организмот од оштетувања предизвикани од слободните радикали. Сепак, за целите на детоксикација, се препорачува да се користат свежи листови од маточина бидејќи варењето го намалува нивото на антиоксиданси. Искуството покажува дека маточината може да помогне и при горушица (зголемено лачење на желудочна киселина).

Важно е да се напомене дека не треба да претерувате со маточина, бидејќи може да предизвика контра ефект и да ја зголеми анксиозноста кога се зема во големи количини.

Како да направите чај од маточина: Една лажица маточина прелијте со 200 милилитри зовриена вода и оставете да отстои 10 минути. Процедете го чајот и уживајте во напитокот. Маточината има благ и пријатен вкус, а за дополнително задоволство можете да го засладите со лажичка природен мед.