Вработените во Министерството за здравство вчера се приклучија на акцијата – Администрацијата чисти со граѓанската организација „Не биди ѓубре“.

Министерот за здравство, Венко Филипче и вработените во Министерството, беа во општина Гази Баба, на улица Индустриска.

„Пораката која денеска ја испраќаме е во секој момент, секој од нас да внимава што остава зад себе. Целиме кон Европа и време е така секој од нас да размислува. Да се потрудиме градот да биде чист секогаш и секој ден, да не е ова само акција која ќе трае денес, а утре ќе се заборави. Секое ѓубре треба да биде фрлено во отпад, а не на улица. Повикуваме на грижа за околината во која живееме“, истакна министерот Филипче.

„Пораката која денеска ја испраќаме е во секој момент, секој од нас да внимава што остава зад себе, вели Министерот Филипче.
Вчера скоро 40.000 административци поддржани од премиерот Зоран Заев чистеа низ целата земја.

 

Акцијата ја организираше Владата заедно со граѓанската иницијатива „Не биди ѓубре“, а меѓу административците имаше директори, министри, градоначалници, судии, обвинители.

Присуствуваа и Вилма Русковска, шефицата на обвинителството за гонење на организиран криминал и корупција.

Таа со ќеса и ракавици, заедно со неколку вработени, се појави пред гаражата “26 јули” за да се приклучи на акцијата за чистење на градот.