За многу жени, разните фази од менопаузата се мистерија сè додека не почнат да им се случуваат.
Еве што може да очекувате од секоја фаза на менопаузата:
1) Перименопауза
Ова е периодот пред менопаузата кога естрогенот и прогестеронот почнуваат да се намалуваат, а може да започне во средината на 40-тите и обично трае околу 4 години. Еден од првите знаци е нерегуларен менструален циклус, а во оваа фаза сè уште е возможно да се забремени.
Кога естрогенот почнува да флуктуира, менструацијата може да трае подолго или пократко, а заедно со овие промени може да се случуваат и емоционални и психолошки промени кои вклучуваат анксиозност, депресија, заборавање и сл.
2) Менопауза
Жената е официјално во менопауза кога нема менструација 12 месеци, а тоа може да се случи во 40-тите или 50-тите, а просечната старост е 51. Во оваа фаза, продукцијата на естроген е драстично намалена и јајниците престануваат да ослободуваат јајца, што значи дека веќе нема менструација.
Во оваа фаза се јавуваат симптоми како топлотни бранови, сувост на вагината, намалено либидо, анксиозност, депресија и дебелеење.
3) Постменопауза
Периодот по менопаузата се карактеризира со намалување на одредени симптоми како топлотните бранови, а се зголемува ризикот од остеопороза и срцеви заболувања поради малата количина на естроген, кој влијае на начинот на кој што телото го користи калциумот и на одржување на нивото на холестерол во крвта.
По менопаузата може да се забележат и промени на кожата, која станува поделикатна и полесно се оштетува и се создаваат модринки. Таа може да стане и посува и подложна на состојби како егзема.