Министерството за здравство информира дека негативни се резултатите на коронавирус кај пациентката која утрово се јавила со знаци на респираторна инфекција на Клиниката за инфективни болести и фебрилни состојби во Скопје.
Пациентката патувала во критичниот регион на Северна Италија и влегла на 26-ти февруари во земјава.
-Засега нема нов случај на заразен со корона вирус. Единствената пациентка којашто се лечи на инфективната клиника е во добра општа состојба. Негативен е резултатот на возачот, којшто го управувал комбето, во кое патувала пациентката којашто се лечи на инфективната клиника. Поради секоја можна варијанта тој и понатаму ќе остане во домашна изолација, во текот на следните денови, се до четиринаесеттиот ден, кога завршува периодот на инкубација, а потоа лекарите специјалисти, инфектолози, епидемиолози ќе одлучат дали и повторно ќе се тестира“, изјави Филипче.
Од ресорното министерство порачуваат дека нема простор за паника и апелираат граѓаните да ги почитуваат дадените препораки и доколку почувствуваат некакви симптови да се јават во некој од подрачните центри за јавно здравје.