Министерството за здравство информираше дека последниве 24 часа регистрирани се 445 нови случаи на лица заразени со Ковид-19 од вкупно 2.441 тестирања. Ова е највисоката дневна бројка на дијагностицирани пациенти со Ковид-19 во Северна Македонија од почетокот на пандемијата.

Новозаболените според градови се регистрирани во: Скопје-249, Куманово-12, Штип-13, Прилеп-25, Тетово-16, Струга-7, Велес-7, Битола-14, Охрид-12, Кавадарци-3, Гостивар-12, Гевгелија-2, Струмица-36, Крива Паланка-5, Радовиш-7, Кочани-6, Пробиштип-1, Берово-2, Виница-3, Делчево-2, Свети Николе-4, Кичево-6, Ресен-1.

Во болнички услови починати се 9 лица. Двајца пациенти од Скопје (72 и 62 години), еден од Куманово (66), двајца од Струга (58 и 65), еден од Струмица (80), еден од Крива Паланка (83), од Пробиштип (60) и пациент од Свети Николе (65).

Денеска Институтот за јавно здравје регистрира и 194 оздравени пациенти.

На Инфективната клиника во изминативе 24 часа примени се 9 пациенти. Вкупно се хоспитализирани 87 пациенти. На кислородна поддршка се 47 пациенти, нема пациенти на механичка вентилација.

Во болницата во Козле хоспитализирани се 9 деца и 9 мајки позитивни на Ковид-19, нема хоспитализирани пациенти суспектни на вирусот. Во ГОБ „8 Септември“ има 7 приеми, а вкупно хоспитализирани се 42 пациенти. На респиратор се 3 пациенти. Во болницата во Битола се хоспитализирани 33, а во болницата во Штип се 48 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга и Кочани се хоспитализирани 187, позитивни и сомнителни на Ковид-19.

Вкупната бројка на дијагностицирани со Ковид-19 во Македонија од почетокот на епидемијата изнесува 21 636, бројката на оздравени пациенти е 16 591, на починати е 809, а во моментов бројот на активни случаи во земјата изнесува 4 236.