Анализата на американските универзитети Харвард, МТИ и други институции ја потврди претпоставката дека високите температури влијаат врз Ковид-19, што вирусот го прави сезонски.
Според „Вашингтон пост“, научниците проучувале 3 739 локации низ целиот свет и заклучиле дека просечните температури од над 25 степени значително го намалуваат ризикот од зараза. Тие, меѓутоа, предупредуваат дека летото нема целосно да ја запре пандемијата.
Научниците забележуваат дека коронавирусот веројатно ќе се однесува како САРС и МЕРС, односно дека ќе ослабне кога времето ќе биде потопло, но и дека тоа значи дека бројот на инфекции ќе се зголемат на есен. Дејвид Хејман, професор на Лондонската школа за хигиена и тропска медицина, предупредува дека наодите на ваквите истражувања треба да се земат со голема внимателност.
-Тие се лабораториски истражувања. Тие не се реални ситуации. Ние сме секојдневни сведоци дека Ковид-19 се пренесува во повеќето делови на светот, дури и во тропските предели, вели Хејман.
На крајот можеме да заклучиме дека колку и да е вирусот чувствителен на високи или ниски температури, нашата свесност за постоењето на истиот е од голема важност и има огромно влијание врз неговото ширење и распростанување. Одржувањето на основната лична хигиена, односно миењето на рацете со сапун и вода е една од најважните мерки кои ние луѓето можеме да ги превземеме и на тој начин можеме најмногу да се заштитиме.