Во Грција бројот на новозаразени со коронавирус се зголемува

Во изминатите 24 часа во Грција е регистриран зголемен број новозаразени, но и починати лица од Ковид-19 односно, од 113.940 направени тестови, потврдени се 27.490 случаи, што е 24,1 отсто…

Во изминатите 24 часа во Грција е регистриран зголемен број новозаразени, но и починати лица од Ковид-19 односно, од 113.940 направени тестови, потврдени се 27.490 случаи, што е 24,1 отсто од тестираните, додека пак починаа 73 лица.

Според официјалните податоци од Националната организација за јавно здравје на Грција, од новите случаи, 10.058 се во областа Атика, поширокиот регион на Атина, а 2.634 во Солун.

Приклучени на апарати на одделите за интензивна нега во грчките болници се 342 пациенти.

Од почетокот на пандемијата во земјата се потврдени 2.957.810 случаи на Ковид-19 и почина вкупно 27.341 лице.


Related Articles