И додека миењето заби наутро стана дел од рутината и основната хигиена за да не излегуваме од дома со непријатен здив, од друга страна, многумина го запоставуваат тоа навечер.

Четкањето на забите пред спиење не само што ги прави забите поздрави, туку и спречува да одиме во кревет со веќе постоечки бактерии во устата. На овој начин ја спречуваме појавата на кариес, заболување на непцата, лош здив и други болести. Стоматолозите објаснуваат што се случува ако не ги измиеме забите пред спиење:

– Во текот на денот, плунката служи како природна одбрана, помага да се неутрализираат киселините во храната и да се спречи какво било оштетување на глеѓта. Но, во текот на ноќта, производството на плунка се намалува. Бидејќи имаме послаб одбранбен систем додека спиеме, неопходно е да ги миеме забите пред спиење за да се намали количината на бактерии во устата, велат експертите.

Во спротивно, ако не го сториме тоа, се изложуваме на ризик од зголемен шеќер во крвта, што може првенствено да им наштети на луѓето со дијабетес. Повеќето луѓе не се свесни дека бактериите не само што предизвикуваат болести на непцата, туку можат да навлезат и во крвотокот и срцето, што дополнително води до инфекции, посочуваат експертите.

Затоа, не заборавајте да ги миете забите пред спиење и на тој начин да го спречите ризикот од разни болести.