Бројот на смртни случаи од коронавирус во САД надмина 75.000, а нивниот број е во просек две илјади луѓе на ден од средината на април и покрај обидите да се забави епидемијата.
Бројот на починати е поголем од последиците од сезонскиот грип во 1967 година и е исто така поголем од бројот на смртни случаи во текот на првите десет години од епидемијата на СИДА во САД, од 1981 до 1991 година.
Бројот на заразени надминува 1,25 милиони со оглед на тоа што бројот на ново заразените и понатаму расте во многу држави на САД, вклучувајќи ги Илиноис, Мериленд, Минесота, Тенеси, Тексас, Вирџинија и Висконсин, покажуваат податоците на Ројтерс и анализата на податоците од мониторинг проектот.
Њујорк и Њу Џерси, двете земји со најголем број случаи на инфекција со коронавирус, во последниве недели бележат пад на бројот на нови заразени.
Некои експерти за здравство предвидуваат зголемување на смртните случаи подоцна ова лето, бидејќи Американците повторно почнуваат да јадат во ресторани и повторно одат во спортски сали.
Државите едвај чекаат повторно да се отворат заради зголемената невработеност. Заклучно со 21 март, околу 33,5 милиони луѓе се пријавиле за бенефиции за невработеност, што е приближно 22,1 процент од работоспособната популација на САД.