Се поплави интензивнот оддел на неврологија при ГОБ „8 ми Септември“, објави денеска на својот фејсбук профил доктор Петар Атанасовски, инаку вработен во болницата, каде сите пациенти благодарение на дежурниот невролог и останатиот медицински персонал биле извлечени на сигурно без никакви последици, пишува тој.
Во продолжение ја пренесуваме неговата објава во целост:
– Мислев да одморам малку ама не се може. И тоа се случи, се поплави интензивнот оддел на неврологија при ГОБ 8 ми Септември и за среќа заради големата пожртвуваност на дежурниот невролог и останатиот медицински персонал кои заборавија на ризикот по сопствениот живот ( можност oд струен удар,повреда од паѓање на плафонот) сите пациенти беа извлечени и преместени на сигурно без да им се загрози нивното здравје и живот. Уште еднаш апелирам до групата што се сликаше за празникот пред нашата болница да преземат мерки и конечно да се затвори одделот да се реновира, исчисти и дезинфицира (врие од интрахоспитални инфекции).
ГОЛЕМО БРАВО УШТЕ ЕДНАШ ЗА МОИТЕ НОВИ ХЕРОИ ДЕЖУРНАТА ЕКИПА ОД ВЧЕРА НА ОДЕЛОТ ЗА НЕВРОЛОГИЈА ПРИ ГОБ 8 МИ СЕПТЕВРИ, вели Др.Атанасовски.
