Докторот Ненад Лазаров објави фотографија од системот „Мој термин“ каде се гледа дека нема слободни термини за правење мамографија во скопските болници. Тој смета дека здравството е пред колапс, а министерот за здравство, Беким Сали, треба да преземе нешто наместо да се фотографира со попови и оџи.
– Министерот за здравство место со попови и оџи, делегации и амбасадори, нека дојде да види примарното здравство како е пред колапс. Џабе се кампањи за превенција кога базични прегледи за суспектни пациенти и скрининзи се суспендирани. Нема мамграфија, ехо на дојка, ехо на простата, срамота, пишува доктор Ненад Лазаров.
