Здравите дози на стрес се корисни за нас, бидејќи ни помагаат да се справиме со одредени тешки ситуации. Но, кога е континуиран и ја намалува вашата способност нормално да ги извршувате секојдневните задачи, тогаш веројатно станува збор за нервен слом.

Обрнете внимание на следниве симптоми:

Постојани главоболки

Ве боли во челото, слепоочниците, вилицата, вратот, рамениците, а не помага ниту спиење, ниту лекови, ниту природни методи.

Неправилно отчукување на срцето

Тахикардијата и сличните симптоми се манифестираат дури и кога ни се чини дека сме мирни. Ако имате чести неправилни отчукувања на срцето, анксиозност и панични напади, тоа е знак дека нервите ви се при крај.

Променливо расположение

Час сте среќни и мирни, потоа сте тажни, па индиферентни… Обидете се да ги препознаете „тригерите“ за ваквите состојби, за полесно да се изборите со нив.

Анксиозност и/или панични напади

Нервниот слом може да предизвика панични напади кои се придружени со болка во градите, брзо чукање на срцето, екстремно потење, плитко дишење и страв или чувство на оддалечување од реалноста. Може да се манифестира и како кошмари или параноја.

Изолирање и осаменост

Континуираниот стрес доведува до депресивни епизоди во кои сакате да се повлечете во тишина и мир и избегнувате секаква можна социјална интеракција.

Проблеми со исхраната и стомакот

Кога нервите попуштаат, попуштате и вие како целокупен организам. Тоа може да доведе до слабеење, но и дебелеење и сериозни проблеми со варењето.

Чувства на беспомошност и безнадежност

Нервниот слом често е придружуван и од симптоми на депресија како беспомошност, безнадежност, тага, губење интерес и мисли за самоубиство или самоповредување.