Зимата и ниските температури не секогаш се причина за појава на студени стапала.

Во зимскиот период кога надворешната температура опаѓа студени стапала честопати се вообичаена појава. Имено, кога телото ќе почувствува дека се наоѓа во постудена област, крвните садови во екстремитетите, како што се дланките и стапалата се собираат со што се намалува протокот на крв до нив што предизвикува губење на топлината во истите. Екстремитетите се делови од телото што се наоѓаат најдалеку од виталните органи, па, оттаму, намалувањето на протокот на крв кон нив, исто така, помага да се задржи топлината и протокот на крв во поважните делови на телото.

Но зимата и ниските температури не секогаш се причина за појава на студени стапала.

Постојат различни причини што може да предизвикаат студени стапала, а меѓу нив се:

Висок стрес или анксиозност

Екстремниот стрес или анксиозност, исто така, може да предизвикаат студени стапала. Една од природните реакции на телото како одговор на стрес или нервоза е да испушта адреналин во крвотокот. Како што циркулира адреналинот предизвикува стегање и стеснување на крвните садови со што се намалува протокот на крв во најоддалечените делови на телото, односно дланките и стапалата со што се намалува топлината во истите.

Проблеми со циркулација на крвта

Проблемите со циркулацијата на крвта се многу честа причина за појава на студени стапала. Вообичаено кај лицата со слаба циркулација појавата на студени дланки и стапала е многу честа бидејќи нивното тело постојано се бори да пренесе доволно топла крв до своите екстремитети. Лошата циркулација може да биде резултат на различни причини, меѓу кои:

  • Постојано седење коешто може да ја намали циркулацијата во нозете и да предизвика студени стапала;
  • Пушењето цигари коешто може да го отежни движењето на крвта до секоја област на телото;
  • Високиот холестерол којшто може да доведе до формирање на плаки во внатрешноста на артериите кои може да ја намалат циркулацијата и да предизвикаат студени стапала.
Прочитајте:  Знаци што укажуваат на проблем со здравјето кај родителите на постара возраст

Анемија

Анемијата е состојба која се јавува кога едно лице има недостиг на здрави црвени крвни клетки во своето тело. Ова може да се должи на многу фактори, вклучувајќи го и недостигот на железо, витамин Б12 или хронична бубрежна болест. Оттука, умерени до тешки случаи на анемија може да предизвикаат студени стапала.

Дијабетес тип 2

Луѓето со дијабетес тип 2 може да бидат изложени на ризик од проблеми со циркулацијата што дополнително може да предизвика појава на студени дланки или стапала. Високите нивоа на шеќер во крвта може да доведат до стеснување на артериите и намалено снабдување на ткивата со крв што може да предизвика студени стапала.

Оштетување на нервите

Оштетување на нервите, предизвикано од траума или повреда, како и скриена здравствена состојба како дијабетесот, исто така, може да предизвика појава на студени стапала. Периферната невропатија, исто така, може да биде предизвика студени нозе во придружба со други симптоми што се вообичаени за ова заболување како вкочанетост и пецкање.

Хипотироидизам

Хипотироидизмот е нарушување коешто е предизвикано од недоволно активна тироидна жлезда којашто произведува ниско ниво на тироиден хормон што има негативно влијание врз метаболизмот на телото. Како разултат на ова, метаболизмот на телото влијае на циркулацијата, отчукувањето на срцето и температурата на телото. Со други зборови, нарушувањето на тироидната жлезда може да доведе и до појава на студени стапала. Луѓето со хипотироидизам може да бидат почувствителни на студ, но може да имаат и други симптоми, како што се замор, зголемување на телесната тежина и проблеми со меморијата.