Анѓушев лаже како Заев: Ветуваше дека неговите фирми нема да добиваат тендери. Кога тоа ОП, не умри магаре на зелена трева, волшебно и сосема случајно тендерите пак кај фирмите на КОЧО, тој не сака, дури тие и не конкурираат, ама тендерите „сами“ доаѓаат!!!

Вицепремиерот Кочо Анѓушев пред неполна година ја убедуваше јавноста во емисијата Топ Тема на Телма телевизија дека нема да дозволи негови фирми да добиваат тендери од државата, а во меѓувреме неговите фирми добија тендер од ЕЛЕМ, од Фондот за иновации и од Агенцијата за патишта.

Имено, после скандалозниот тендер кој фирмата во сопственост на Анѓушев, Фероинвест, прво го доби, а после откако излезе скандалот во јавноста се повлече, вицепремиерот Кочо Анѓушев гостуваше во емисијата Топ Тема и изјави:

-Значи Фероинвест и останатите компании нема да учествуваат на државни тендери, но Фероинвест и останатите компании имаат 800 вработени кои што понатаму мораат да продолжат да живеат, работат и да земаат плата и ќе бидат активни во економскиот живот на државата, но не е само државата партнер. Ние мораме да се избориме за вредности во оваа држава и мислам дека мораме да се избориме за критериуми, рече Анѓушев во септември 2017 година.

Ама како и на Заев, Филипче, така и на Кочо, не додржа срце јуначко, тоа што ќе го каже да го порекне, да го срози да не вреди 5 пари, да се доведе во состојба, дали тој човек ти збори, дали канти тропаат сеедно е, зошто си свесен и знаеш дека се што ќе се изусти е лага, манипулација и далаверење, се со цел само и само да се зголеми личното конто. На ваков начин само на ваша страна го собирате гневнот на граѓаните – посочија изреволтирани граѓани од политиката и манипулациите на владеачкиот врв.