Во Комисијата за заразни заболувања се вклучени повеќе институции од нашата држава на чело со Министерството за здравство. Скро секој ден во 8 часот наутро имаме состанок каде што се бирифира за тоа како поминале денот и ноќта, се даваат предлози, насоки, сугестии, прашања. Овде морам да споменам дека бројката се зголемува, но има еден позитивен сигнал според епидемиолозите – а тоа е дека и покрај зголемената бројката на заболени во целата наша држава, Скопје држи еден ист ритам во последните десет денови.

–Немаме ни зголемување, ни намалување на бројката, односно до ова утро состојбата се држи под контрола, изјави во „Утрински брифинг“ на „Слободна ТВ“ директор на ЈЗУ Здравствен Дом Скопје, д-р Виктор Исијановски и додаде дека за две недели ќе го имаме оној пик на Коронавирусот, по кој што се надеваме дека ќе имам значително опаѓање.

–Итната медицинска помош функционира на територијата на град Скопје, но исто така дава и помош при транспорт на заболени од други места кои треба да бидат префрлени во Инфективното одделение. Нашите екипи во Итната и во домашната посета се најизложени. Во овој момент Итната медицинска помош брои седум до осум екипи во смена, додека домашната посета брои седум екипи ви една смена. Значи над 250 вработени се во таа единица, изјави Исијановски кој истакна и дека вработените се добро заштитени, калјачи, маски, визири, наочари, скафандери за една или две употреби. Комбиињата по секоја интервенција се дезинфицираат. Просториите исто така се дезинфицираат, дури во саботата е инсталирано и апартче кое без допир, со самото ставање на дланките прска дезинфиционо средство.

По насоките на министерот, здравствениот дом имаше екипи кои работеа во три смени, но се увиде дека доколку има потреба, се повикува Брзата помош.

–На територијата на Скопје ставени се во функција четири хотели каде што луѓето се под карантин. Здравствениот дом по насоки од министерот излезе со свои екипи кои работеа во три смени, но вчера се заклучи дека тие екипи нема потреба да бидат таму во вечерните часови. Доколку има потреба би се повикала Итната медицинска помош. Околу последниот случај за лицето кое е возач во Итната медицинска помош е чудно што тој е асимтоматски и во вчерашното јавување страна на управничката за тоа каква е неговата состојба – тој вели дека се чувствува одлично, дека нема никаква симптоматологија, но познавајќи го ризикот за здравствените работници тој самоиницијативно преземал мерки за тестирање каде што тестот излезе позитивен. Тој е веднаш упатен во домашна изолација, рече Исијановски.

Околу бројот на јавувања последниве денови и за тоа за какви потреби луѓето сега бараат помош, Исијановски вели дека сега граѓаните, односно нивните повици се поврзани со актуелната состојба со Коронавирусот.

-Намален е бројот на повици во однос на акутните и хронични заболувања, но имаме отворено и број во Поликлиниката „Букурешт“ кој што 24 часови работи каде што млади обучени доктори од страна на епидемиолозите даваат конкретни одговори и да ги упатат луѓето што да направат и што да преземат, изјави Исијановски.

На прашањето дали интервентните екипи се подготвени за најавениот втор бран на пандемијата, односно за се поизвесното зголемување на бројот на заболени, Исијановски вели дека направени се сите напори за подготовка и одговор на овој бран, но во исто време побара од граѓаните, доколку се работи за позитивно лица на КОВИД-19 да не се побара домашната посета, затоа што во минатото имавме случаеви позитивен на КОВИД-19 да бара да се стави на инфузија. Во такви случаи не се повикува домашната посета.

-Граѓаните мораат да ја кажуваат вистина, затоа што не е ништо страшно доколку човек заболи. Исто така апелирам да се престане со стигматизација и етикетирање, да почене да работи совеста и свеста како основна психичка функција кај човекот, рече Исијановски.