На западната индустриска исхрана значително ѝ недостасуваат влакна и се чини дека суштински го менува начинот на кој нашите црева ја варат растителната материја, пишува „Саенс алерт“.
Добиј ги најважните вести, бесплатно на Viber
И покрај фактот дека овошјето и зеленчукот се клучен дел од човечката исхрана, научниците сè повеќе разбираат како нашите тела го разградуваат најзастапеното органско соединение на планетата – целулозата.
Новата студија на меѓународен тим експерти откри претходно непознати микроби кои се кријат во цревата, способни да ја разградат целулозата.
Со децении се претпоставуваше дека луѓето не можат да ја разградат целулозата, како што можеа кравите, коњите, овците и другите цицачи. Дури во 2003 година во човековите црева беше откриена бактерија која ги вари овие влакна.
Врз основа на гените на таа бактерија, научниците почнаа да бараат други слични на неа. Исцрпна анализа на примероци од измет ги тестираше цревните микробиоми на луѓе од различни делови на светот и историски периоди.
Испадна дека во нашите црева има неколку досега неоткриени видови микроби што јадат целулоза.
Сите три микроби припаѓаат на родот „ruminococcus“ и поседуваат гени поврзани со разградувањето на целулозата.
Во фекалните примероци на ловци-собирачи, рурални популации и древни луѓе (кои живееле пред 1.000 и 2.000 години), овие три микроби се наоѓаат во изобилство.
Меѓутоа, во популацијата на модерните, индустријализирани општества, има многу помалку од тие исти микроби.
„Овие наоди имплицираат пад на бројот на овие видови во човечкото црево, најверојатно предизвикан од транзицијата кон западен начин на живот и исхрана“, велат авторите на студијата, предводена од микробиологот Сара Мораис од Универзитетот Бен Гурион во Израел.
Можно е, како што велат, ако микробите на руминокок се лишени од растителни влакна – нивниот број во цревата ќе се намали.
Научниците стравуваат дека падот на бројот на овие видови придонесува за полошо метаболичко здравје на современите, собрани луѓе.