Светската здравствена организација (СЗО) објави дека пандемијата на коронавирусот го намалила глобалниот животен век за 1,8 години, на вкупно 71,4 години.
„Пандемијата на коронавирусот го смени трендот на стабилен раст на очекуваниот животен век од раѓање и очекуваниот здрав животен век од раѓање“, се вели во извештајот објавен од СЗО.
Се очекува дека просечниот човек ќе живее здраво 61,9 години, што е за 1,5 години помалку од нивото од 2012 година.