Заситените масти кои се наоѓаат во одредени намирници за појадок можат да го зголемат лошиот (LDL) холестерол, доведувајќи го нашето кардиоваскуларно здравје во опасност.
Без оглед на тоа дали ќе се почестиме со хамбургер или чипс, одреден избор на храна очигледно е лош за нашиот холестерол. Меѓутоа, популарниот појадок исто така може да биде лош за вашите артерии.
„Луѓето со висок холестерол треба да избегнуваат печива затоа што тие имаат тенденција да содржат многу заситени масти, како што се путер и масло, дополнителни шеќери и генерално се „сиромашно“ хранливи материјали“, изјавил фармацевтот Абас Канани за „Daily Express“.
Премногу холестерол во крвта доведува до затнување на артериите
Заситените масти кои се наоѓаат во оваа популарна храна за појадок, го зголемуваат нивото на лошиот холестерол, а премногу холестерол во крвта може да предизвика наталожување на масниот материјал во артериите, предизвикувајќи нивно затнување.
Тоа го зголемува ризикот од сериозни здравствени проблеми, како што се болести на срцето или мозочен удар.
Бобинките помагаат во намалување на холестеролот
Покрај тоа, многу од луѓето со висок холестерол дури и не знаат дека нивното ниво е превисоко додека не го развијат овој проблем.
Поради тоа што изборот на здрава храна може да го надополни овој проблем фармацевтот препорачал алтернатива.
„Бобинките, како што се капини и јагоди, особено можат да помогнат во намалувањето на нивото на холестерол во крвта во вашето тело. Доколку сакате да јадете слатко, може да додадете и мала количина мед во нив, што исто така може да биде корисно и да помогне во подобрување на нивото на холестерол“, заклучил Канани.