Штом е кафето корисно за здравјето, кога се пие во вистинска мера, се разбира, тогаш и талогот што останува од него мора да има некаква корист.
Откако ќе ги научите неговите корисни својства за нега на убавината, но и за грижата за мебелот и здравјето на цвеќињата повеќе никогаш нема да го фрлате попусто.
Грубите честички и киселата содржина влијаат како совршен пилинг за вашата кожа, а талогот помага и во отстранувањето на нечистотиите и мртвите клетки кожа.
Измешајте талог од кафе со малку вода и кокосово масло и ќе добиете одличен пилинг за тело.
Може да помогне во намалувањето на целулитот на тој начин што ги разградува мастите и го зголемува протокот на крвта во зафатеното подрачје.
Со помош на стапчиња за чистење уши нанесете талог од кафе на гребаниците на дрвен мебел и оставете го да дејствува десет минути, а потоа исчистете со памучна крпа. Гребаниците ќе бидат значително помалку видливи.
Кафето содржи кофеин кој е многу токсичен за бројни инсекти.
Сипете малку талог кафе околу растенијата во куќата за да ги одбиете комарците, овошните мушички и слични непожелни бубачки.