Во Детската клиника за белодробни заболувања „Козле“, едномесечни близначиња се најмладите пациенти заразени со коронавирус, се вели во изјавата на директорот на клиниката Бесник Зеќири на еден од македонските медиуми.
– Во моментов имаме 22 деца хоспитализирани во нашата установа. Има и поголем дел кои се лекуваат амбулантски. Најмладите пациенти на корона вирус се две близначиња од по месец дена. Повозрасните се 16-17 години. Младите доаѓаат навреме на лекување, што значи дека родителите се грижат за нивното здравје – рече Зеќири.