Една студија покажала дека ризикот од развој на карцином на белите дробови кај децата кај оние кои живеат на 50 метри од прометна улица е за 10 пати поголем, пишува BBC.
Истражувањето спроведено во 13 градови во Велика Британија и Полска укажало на тоа дека поради загадувањето на воздухот е поверојатно да се развијат срцеви заболувања, мозочен удар, срцева слабост и бронхитис.
Експертите од лондонскиот Кинкс Колеџ анализирале 13 здравствени состојби на луѓе кои живеат во подрачка на голема загаденост и ги споредиле со оние на општата популација.
Тие не биле фокусирани само на податоците за хоспитализирање и смртни случаи, туку и за симптомите како воспаление на белите дробови.
Испитувањето покажало дека загадувањето на воздухот го успорил развојот на белите дробови за околу 14% во Оксфорд, 13% во Лондон, 8% во Бирмингем, 5% во Ливерпул, 3% во Нотингем и 4% во Саутемптон.
Посочија дека намалувањето на загаденоста на воздухот за една петтина во споменатите градови ќе резултира со намалување на бојот на случаи на бронхитис кај децата.
– Загадувањето на воздухот на невидлив начин негативно влијае врз нашето здравје, а осеобено врз здравјето на нашите деца – рекол д-р. Роб Хјуз, соработник на Фондацијата Чист воздух.
– Истражувањето открива јавна здравствена криза која ги погодува луѓето низ Велика Британија, што укажува дека сите политички партии мора да му дадат приоритет на чистиот воздух во градовите – додал тој.
Според WHO, чист воздух се смета оној кој во текот на целата година не содржи повеќе од 40 микрограми азот диоксид на кубен метар