Пулмологот Дејан Докиќ во интервју на еден од нашите телевизиски медиуми изјави дека тој е апсолутно против давање антибиотик на ковид-пациенти и посочи дека лицата кои го прележале ковид-19 и да немаат антитела, тие сепак имаат имунитет. Доктор Докиќ објасни дека иако антителата природно опаѓаат со текот на времето, пациентот сепак е имун на Ковид-19.

 

 

– Антителата природно опаѓаат со тек на време, но тоа не значи дека пациентите не се имуни. Еве можеби да дојдат до нула, но ако се направат имунолошки испитувања, тогаш ќе видите дека имате имунитет. Тие помнат и го неутрализираат вирусот. Да не се плашат, оние кои прележале ковид-19 и да немаат антитела, се заштитени. Допрва ќе треба да се истражува колку трае имунитетот од прележан ковид. Јас сум против давање антибиотици. Апсолутно нема никаква индикација да се даде антибиотик за вирусна инфекција. Напротив, може да штети, во фаворизирање на резистентни соеви. Нерационалното давање антибиотици доведе до поголема резистентност на одредни бактерии. Ние викаме дека не треба да се препишуваат, вели д-р Докиќ.