Maкедонските езера топли како бара, во Дојранското измерени 30 степени

Долготрајно високите температури ја зголемија темературата на водите во македонските езера. Во Дојранското Езеро е измерена температура од 30 степени.

Од УХМР информираат дека температурата на водата во Дојранското Езеро изнесува 30 степени Целзиусови,во Преспанското Езеро се измерени 28,5 степени, а во Охридското 26,5 степени.

УХМР за наредните денови најавува сончево и многу топло време, со температура над 40 степени.