Кога сакате да ослабите по секоја цена, нормално е да сте подготвени да пробате сè. Но, не сите опции за слабеење се добри за вас и без правилното истражување можете само да си наштетите.

Одличен пример за ова се пилулите за слабеење. Важно е да знаете дека ова не се магични апчиња што брзо ќе ви го решат проблемот и треба да бидете свесни за сите можни несакани ефекти од нив.

Оштетување на црниот дроб

Според едно истражување, некои апчиња за слабеење можат да го оштетат вашиот црн дроб.

За истражувањето биле тестирани неколку видови пилули за слабеење, но поради нивниот различен состав, не се открило која е супстанцата што му штети на црниот дроб.

opasnosti-od-pilulite-za-slabeenje-shto-ne-smeete-da-gi-ignorirate-02.jpg

Проблеми со бубрезите

Бубрезите се уште една жртва на апчињата за слабеење. Наводно некои видови апчиња биле поврзани со бројни сериозни нарушувања на бубрезите.

Несоница

Несоницата е уште еден несакан ефект од апчињата за слабеење. Причината е што голем дел од нив содржат стимуланси, кои можат да ве држат будни навечер.

Овој ефект се зголемува ако веќе сте консумирале друг стимуланс, како кафе или енергетски пијалаци.

opasnosti-od-pilulite-za-slabeenje-shto-ne-smeete-da-gi-ignorirate-03.jpg

Висок крвен притисок

Состојките на некои апчиња за слабеење можат да имаат влијание врз вашиот крвен притисок. Некои вакви апчиња веќе се забранети од Администрацијата за храна и лекови.

opasnosti-od-pilulite-za-slabeenje-shto-ne-smeete-da-gi-ignorirate-04.jpg

Дијареја

И дијарејата е несакан ефект од апчињата за слабеење, а доколку трае подолго време, постои ризик да дехидрирате и да изгубите многу електролити.

Доколку дијарејата не помине после неколку денови, најдобро е да се консултирате со вашиот леар.

Ректално крвавење

Според едно истражување, некои апчиња за слабеење можат да предизвикаат ректално крвавење. Проблемот е што за некои брендови е познато дека го предизвикуваат ова, но сепак се одобрени за краткотрајна употреба.

Доколку сепак сакате да ги пиете апчињата, никако немојте да ја зголемувате препорачаната доза.

Забрзано чукање на срцето

Апчињата за слабеење можат да имаат ефект како амфетамин и да го забрзаат чукањето на срцето. Всушност, ако имате проблеми со срцето за кои не знаете, овие апчиња ќе ви ги откријат.

opasnosti-od-pilulite-za-slabeenje-shto-ne-smeete-da-gi-ignorirate-05.jpg

Главоболка

Главоболката е честа појава при земањето пилули за слабеење.

Доколку е придружена и со други симптоми, консултирајте се со вашиот лекар.

opasnosti-od-pilulite-za-slabeenje-shto-ne-smeete-da-gi-ignorirate-06.jpg

Веројатно веќе знаете дека апчињата за слабеење нема да ви ги дадат посакуваните резултати. Доколку сакате да се ослободите од вишокот килограми, секогаш е подобро да вежбате и да го промените начинот на исхрана.

Извор: Црнобело