Во светот на кучињата, една раса се издвојува како олицетворение на среќата.
Професионален шетач на кучиња, кој со години се грижел за стотици домашни миленици, откри која раса е меѓу „најсреќните кучиња на светот“.
Амбер Фостон, која води хотели за домашни миленици низ Хертфордшир, Бедфордшир и Кент, нудејќи услуги за интернат и шетање со кучиња, вели дека германскиот шпиц е најсреќното куче што постои.
-Веднаш се насмевнувам кога ќе го видам нивното лице, муцката со секогаш отворени заби се насмевнува како човек, вели таа.
Германскиот шпиц првично се чувал на фарми за голем број улоги, вклучително и сточарство. Како што минувале вековите, некои раси биле одгледувани за да бидат помали, приспособени на други задачи и со текот на времето станале мали кучиња-придружници какви што се денес.
Амбер ги опишува како внимателни, живи и исклучително посветени и многу лесни за тренирање.
Овие кучиња се исклучително интелигентни и полни со карактер, поради што станаа многу популарни. Германскиот шпиц е предок на померанецот, најмалата раса шпиц. Но, иако слаткиот мал шпиц со својата вечна насмевка го зазема првото место како најсреќно куче на светот, има и други раси кои му се спротивставуваат во среќата.
Јазовичарот е среќно куче, а неговиот начин на одење, со неодоливото нишање на задникот, го прави уште пошармантен.
-Златните ретривери секогаш трчаат низ тревата, нивното крзно е разлетано на ветрот и секогаш имаат отворен јазик и среќни очи, открила Амбер.
Таа додаде дека и кокер шпаниели се на листата на среќни кучиња.