Министерот за здравство Венко Филипче денеска изјави дека во Македонија ќе се воведе трета доза на вакцина против Ковид-19. Третата доза ќе се препорачува кај оние луѓе кои се имунокомромитирани.
– Станува збор пациенти со трансплантации, пациенти кои се на хронична дијализа и други пациенти согласно дијагнозата. Препораката дојде денеска, а во текот на неделата ќе стартува овој процес, истакна Филипче.
Министерот посочи дека во градовите со висок процент на вакцинација нема пациенти во болниците. Како пример ги посочи Охрид, Битола, Штип.
Филипче истакна и дека досега се вакцинирани 4.000 деца до 18 годишна возраст, најмногу од 16,17 и 18 години.