Египетските власти презедоа чекори за увоз на суровини потребни за производство на лекови против мајмунски сипаници, изјави вршителот на должноста министер за здравство Калед Абдел Гафар. Тој истакна дека во Египет досега не се идентификувани случаи на заразната болест.
Египетската Влада стапи во контакт со неколку компании за увоз на суровини за производство на лекови, како и тестови за откривање на вирусот. Исто така, се планира да се купи „Тековиримат“ (Tecovirimat), лек што се користи за лекување на сипаници и слични вируси, вклучително и мајмунски сипаници.
Египетскиот научен комитет формиран за пандемијата Ковид-19 ќе објавува дневни извештаи за состојбата со мајмуните сипаници ширум светот.