Ако некогаш сте истражувале некои од рецептите за домашни лекови, можеби сте забележале дека сокот од алое вера се појавува како потенцијален природен лек за многу здравствени заболувања.

Меѓу другото, луѓето го консумираат како медицински напиток за ублажување на запек, киселини, како и болки во мочниот меур. Сепак, доказите за ефикасноста на сокот од алое вера во лекувањето на повеќето здравствени заболувања се ограничени.

Еве неколку податоци и стручни мислења за придобивките од овој пијалок, собрани од Very Well Fit:

Што е сокот од алое вера?

Алое вера веројатно ви е позната како топикална маст за смирување на изгореници од сонце или други кожни заболувања, но ова растение не доаѓа само во форма на гел. Сокот е уште еден од неговите нуспроизводи.

Сокот од алое вера е многу бистар и долго време се користи во индиската, кинеската и египетската традиционална медицина за лекување на различни состојби. Некои научни докази сугерираат дека може да ги обезбеди следните здравствени придобивки:

Ги смирува воспаленијата

„Растенијата често привлекуваат внимание поради нивните антивоспалителни својства благодарение на полифенолните соединенија“, вели диететичарот Шерон Пуело. „Овие соединенија, едноставно кажано, се она што ние го нарекуваме антиоксиданси. Алое верата не е исклучок. Барбалоинот е еден од главните антиоксиданси во него.“

Истражувањата покажуваат дека барбалоинот може да има антихистамински, антиинфламаторни, антивирусни и некои заштитни ефекти против рак. Сепак, потребни се повеќе истражувања за да се потврди колкава корист можат да дадат овие својства во реалниот живот.

Моќен лаксатив

Една од најчестите употреби на сокот од алое вера е ублажување на запек.

„Алое вера содржи природно соединение антрахинон, кое често се користи во фармацијата како моќен лаксатив“, вели диететичарот Ендрју Акафонг. „Антрахинонот ја зголемува содржината на цревната течност, секрецијата на слуз и функцијата на цревата воопшто.“

Некои студии ја проучувале ефикасноста на оралната алое вера како тоник против запек. Беше спроведено мало истражување од 2017 година, така што учесниците земаа 100-200 милиграми алое вера два пати на ден во период од 20 дена. Конечно, 80 проценти од учесниците доживеале подобрено здравје на цревата, како што е намален стрес и поредовно варење.

Други студии од 2018 година испитуваа три рандомизирани клинички испитувања спроведени за ефикасноста на алое вера за третман на синдром на нервозни црева (IBS). Во споредба со плацебо, алое вера направи значајна разлика во симптомите на IBS кај пациентите, без никакви штетни резултати. Од друга страна, една постара студија од 2006 година покажа дека алое вера нема никакви придобивки за луѓето со IBS.

Ги ублажува симптомите на ГЕРБ

Ако страдате од гастроезофагеална рефлуксна болест (ГЕРБ), веројатно сте премногу запознаени со киселини и други видови на непријатност што се јавуваат со оваа состојба. Исто како што локалниот гел од алое вера може да има смирувачки ефект врз вашата кожа, се верува дека неговиот сок помага да се смири овој дел од вашиот гастроинтестинален тракт.

Кои се потенцијалните нуспојави од пиењето сок од алое вера?

И покрај неговиот потенцијал за унапредување на здравјето, сокот од алое вера може да доведе и до несакани ефекти, велат експертите.

Како третман за проблеми со запек, може да стане премногу ефикасен и да предизвика дијареа. Овој ефект би можел да биде особено изразен ако го комбинирате сокот од алое вера со други лаксативни производи.

Дијареата е непријатна, но може да доведе и до дехидрација и губење на важни електролити.

„Растенијата алое вера содржат природен латекс. За оние кои се алергични на латекс, не се препорачува конзумирање на сок од алое вера”, советуваат експертите.

Постојат многу варијанти меѓу производите на сокот од алое вера кои можете да ги најдете на полиците на продавниците. Додека чистиот сок од алое вера е безбоен и нема додаден шеќер, некои производители го подобруваат вкусот на пијалокот со додавање на засладувачи и вештачка боја – обично светлозелена нијанса.

Најдоброто нешто што можете да направите е да ги прочитате декларациите и да проверите што точно внесувате во вашето тело.

Иако можеби очекувате сокот од алое вера да има убав и сладок вкус, многу луѓе потврдија дека тој всушност е непријатен. Без додаден засладувач, може да биде доста кисел или горчлив.

Секако, кога купувате и пиете каков било додаток во исхраната или домашен лек, важно ви е тој да биде ефикасен и безбеден. Но, иако некои студии го поддржуваат пиењето сок од алое вера за помош при различни состојби, науката не ги потврдила тие придобивки недвосмислено или јасно. Потребни се повеќе истражувања за да се извлечат цврсти заклучоци за тоа како пиењето на овој сок може да влијае на здравјето.