Вработени во поштата во Велес за КУРИР потврдуваат дека официјално имаат заболен вработен од коронавирус.
-Поштата во Велес која се наоѓа кај пазарот веќе е затворена и сите тројца вработени се во карантин. Позитивна е една од вработените, велат вработените во поштата во Велес.
Тие додаваат дека местото од каде потекнува позитивната вработена е новиот кластер на вирусот, бидејќи вчера таму починала и нејзина сограѓанка, а заразени се повеќе лица.
Пациентката (70) од Велес која вчера почина во „ГОБ 8 септември“ била примена и хоспитализирана на 2 јуни месецов.
Инаку во Велес во моментов има 27 заразени лица од коронавирусот, додека од почетокот на епидемијата вкупната бројка изнесува 150 лица.