Сите сме свесни за негативното влијание на цигарите и никотинот врз нашето тело. Ако сте престанале да пушите или сте обилен пушач, најбрзиот начин да го ослободите вашето тело од никотин е да ги вклучите овие намирници во вашето мени.
Спанаќ
Фолната киселина е многу важна за процесите што се одвиваат во телото, а исто така му помага на телото да се ослободи од никотинот. Спанаќот содржи големи количини на фолна киселина.
Брокула, карфиол, бриселско зелје и зелка
Покрај тоа што овој зеленчук содржи полифеноли кои се покажале како корисни за намалување на разни воспаленија во дигестивниот систем, содржи и антиоксиданси кои го чистат организмот од бројни токсини. Гответе ги што е можно пократко за да ги зачувате сите нивни квалитети.
Зелен чај и витаминска вода
Со пушење цигари, телото ја губи потребната течност и телото многу побрзо дехидрира. Пиењето многу домашна витаминска вода што можете лесно да ја подготвите сами и зелениот чај полн со антиоксиданси ќе ви помогне да го исфрлите никотинот од вашето тело.
Моркови
Никотинот ја уништува кожата и ја прави безживотна и сува. Ако сакате да се ослободите од оваа грда нуспојава на пушењето, јадете што повеќе моркови. Содржи големи количини на витамини А, К, Ц и Б, кои се главните средства за чистење на телото. Морковот исцедете го во соковник помешан со јаболко и лимон или ставете го во салата.
Киви, лимон и портокал
Покрај водата, никотинот ги отстранува и витамините А, Ц и Е од телото, кои го зајакнуваат имунитетот и му помагаат на телото да се бори против разни инфекции и бактерии. За да ги надоместите изгубените витамини, посегнете по киви или испијте чаша лимонада. Сокот од портокал го хидрира организмот, му ги обезбедува потребните витамини, но и го чисти организмот од никотин. Исцедете два портокали, додадете малку вода и пијте помеѓу оброците.