ВМРО-ДПМНЕ ветува дека ќе даде максимум за да им се помогне на работниците затоа што тие заслужуваат многу повеќе

Владата на СДСМ за овие три години се што вети излажа. Заев соочен со својот крај ветува се и сешто, но тоа кај граѓаните веќе не поминува. Граѓаните на Република Македонија немаат кратка меморија, велат од ВМРО-ДПМНЕ.

-ВМРО-ДПМНЕ отсекогаш го поддржувала секое зголемување на платите на работниците кое што треба да се прави врз основа на здрава и развиена економија. Но, Заев треба да се потсети дека претходната влада предводена од ВМРО-ДПМНЕ склучи колективен договор со кој што се предвидуваше динамично зголемување на платите од 25 проценти. Оваа влада откако е на власт немаше никакво зголемување. Зошто сега се отфрлаат тие 25 проценти и се прифаќаат сукцесивно само првично по 10 проценти зголемување треба да одговори власта која што е во заминување, стои во партиската реакција и се додава:

„ВМРО-ДПМНЕ ветува дека ќе даде максимум за да им се помогне на работниците затоа што тие заслужуваат многу повеќе. Крајот на Заев и СДСМ е се поочигледен. Крајот на оваа власт ќе биде на 12-ти април. Од 12-ти април ќе започне обнова на Македонија“.