Министерството за здравство ќе набави уште 28.000 дози на вакцини против грип, соопшти Министерот за здравство, Венко Филипче, откако се потрошија веќе набавените вакцини за ризичните групи.

– Дополнителните количини се веќе на пат, а дозите ги обезбедивме врз основа на буџетот и донацијата од Американскиот центар за јавно здравје, вели Филипче.

Бесплатни вакцини се набавуваат за ризичните групи, пензионерите, деца од шест месеци до пет години и трудниците.