Владата на СДСМ само ветува, а ништо не исполнува. Денешната прес конференција на министерот за образование е доказ дека владата е неспособна да спроведе мерки за доброто на граѓаните на Република Македонија, реагираат од ВМРО-ДПМНЕ.

-Во однос на програмата за живот и ветувањата дадени за време на локалните избори ништо не е исполнето, ниту направено. Инвестиции во областа на образованието нема ниту една. Македонските ученици имаат катастрофално лош резултат кој се должи на неспособноста на власта. Отсуството на реални мерки кажуваат сами какво образование имаме благодарение на оваа влада. Сите ветувања кои ги дадоа пред изборите ниедно не исполнија, образованието во Македонија го допре дното самите резултати го кажуваат тоа. Далеку потпросечни се и постигањата на нашите средношколци по математика. Нашата земја според бројот на освоените 394 поени, е на 66 место, а просекот е 489. Пет места пред нас на листата е Босна и Херцеговина, а цели 18, односно 19 места пред нас се Албанија и Бугарија, истакнуваат од партијата.

Од ВМРО-ДПМНЕ велат дека од државите во регионот сите освен Косово се рангирани пред нашата земја.

-Споредба на перформансите на земјите и економиите во разбирањето на читањето осум земји се со просечни оценки под просекот на ОЕЦД, меѓу кои Саудиска Арабија, Јордан, Либан, Молдавија и нашата држава. Крајот на оваа влада се ближи, на 12-ти април по победата на ВМРО-ДПМНЕ ќе започне обнова на Македонија, со што и подобрувањето на образовниот систем во државата, порачуваат од ВМРО-ДПМНЕ.