Откако ќе бидете изложени на вирусот што предизвикува COVID-19, ќе бидат потребни неколку дена за да се развијат симптомите. Просечната временска рамка од првиот симптом до закрепнувањето е 17 дена, но некои случаи се фатални.

Science Insider во ова видео детално објаснува како изгледаат и се развиваат симптомите, ден по ден. Повеќето од нив се благи, околу 20% од заболените имаат потешки симптоми или стануваат критични. Болеста започнува со температура, треска. Околу 99% од пациентите развиле висока температура, додека повеќе од половина имале сува кашлица и малаксаност, замор. Третина искусиле и болки во мускулите и тешкотии при дишењето.

Истражување од Кинескиот центар за контрола на болеста покажува дека околу 80% од случаите на коронавирусот се благи.

Луѓето кои закрепнале од болеста се пуштени дома по две и пол недели болничко лекување. Просечната инкубација на вирусот е 5 дена. Штом се појават симптомите, тие се слични на пневмонија. Но, пневмонијата не напредува толку брзо. Повеќето пациенти добиваат третман со антибиотици за да се стабилизира состојбата.

Од новиот коронавирус досега починаа 9.386 луѓе, а заразени се 229.959 лица. Закрепнале 86.254 луѓе.