Во текот на изминативе неколку дена, медиумите во Словенија пренесуваат дека потврдена е нова омикронска подваријанта на коронавирусот. Маските во земјата повторно се враќаат, а подваријантата забрзано се шири.
Станува збор за најновите податоци од Националната здравствена лабораторија во Словенија, кои покажале дека помеѓу примероците позитивни на коронавирус, кои се секвенционирале помеѓу 24 март и 7 април, потврдена е нова омикронска подваријанта XBB.1.16., односно арктурус.
Новите симптоми што овој вид коронавирус ги носи со себе се: чешање, конјунктивитис и високи температури. Исто така, се нагласува дека досега не се евидентирани сериозни компликации.
![](https://zdravstvo.mk/wp-content/uploads/2023/04/korona-645x387.jpg)
Во моментот во Словенија доминира претходната варијанта на омикронскиот сој на коронавирусот XBB.1.5, но тие почнаа да се изолираат и да се инфицираат со најновиот вид арктурус. Според податоците од Светската здравствена организација, најновата подваријанта е слична на доминантната омикронска варијанта XBB.1.5., но има дополнителна мутација во спајк-протеинот.
– Лабораториските студии покажаа дека е позаразна и попатогена, соопшти СЗО.
Се додава дека тоа би можело да значи дека арктурус би можел побргу да се шири, но нема индикации дека ќе предизвика потежок тек на болеста.