По ретерирањето на Филипче откако министерката за образование му укажа дека образованието е уставно право и не може дете да не оди во училиште бидејќи е невакцинирано, но и небулозната изјава на заменикот Чакаровски кој вели дека имунизацијата е индивидуален избор на родителот, Филипче по трет пат со конечен став – Вакциналниот картон ќе остане задолжителен при упис во училиште како и досега. За невакцинираните ќе бараат начини како да им укажат на родителите дека е премногу опасен трендот на опаѓање на опфатот за имунизација и закана од сериозни болести. Филипче вели дека вакцинацијата е важна за здравјето на децата и целиот колективен имунитет и затоа мора преку кампањи да ги убедат родителите во тоа.
