Доколку сакате мирен сон треба да обрнете внимание на тоа каква исхрана практикувате пред спиење. Постојат неколку продукти кои треба да се одбегнуваат. Еве неколку намирници кои ќе придонесат за мирна ноќ и убав сон:

Бананата е прво овошје кое е идеален избор за јадење пред спиење. Бананата содржи триптофан и калиум кои се одлични за добар сон. Од друга страна, оваа овошка е слатка, па во секој случај е подобар избор од чоколадо.

Друго овошје кое ќе ви помогне да се наспиете е киви чие влијание врз сонот лежи во високото ниво на антиоксидански и серотонин во неговиот состав.

Меѓу производите кои можат да поттикнат подобар сон е сок од вишни кој помага во зголемувањето на нивото на хормонот мелатонин од кој се чувствуваме поспано. Здравите риби како лосос или туна исто така произведуваат мелатонин зошто се богати со витаминот Б6. Така, конзервираните туни може да доведат до подобар сон.

Доколку по вечерата или ручекот ви останале неколку слатки компирчиња, слободно можете да ги изедете пред спиење зошто содржат калиум кој помага за опуштање на мускулите.

Млечните производи како што се лесните сирења или јогурт исто така можат да поттикнат на добар сон.

Сепак, најдобар избор за лесна вечера пред спиење е зелениот зеленчук. На пример спанаќот, кељот или бобот кој се одличен избор на калциум кој му е потребен на телото за производство на мелатотнин. Да потсетиме, некои продукти чие конзумирање експертите никако не го препорачуваат пред спиење се брокули, сладолед, алкохол, зачинета и мрсна храна или кафе.